娛樂年度亞熱帶混血新人登場！張敬軒扮「長毛火龍果」惡搞容祖兒MV，Joey大喊：「幫我報警，青山走犯呀！」
張敬軒(軒仔)之前就曾於演唱會化身「降兩度」為大家勁歌熱舞，令大家都發現到軒仔打扮女裝也一樣很殺食！最近就適逄樂壇天后容祖兒（Joey）入行20周年，而今年Joey亦會於八月在紅館舉行《Pretty Crazy演唱會》，早前更為新歌《Pretty Crazy》拍攝MV，軒仔為慶祝好友Joey MV推出，就化身「長毛火龍果」惡搞Joey，著上裙子同高踭鞋，就連Joey MV嘅動作同布景都抄到足，神似度簡直係直達99%，相當有誠意之作！
近日軒仔積極大玩社交媒體，非常緊貼潮流的軒仔，上次扮完巴士司機引來笑翻全城，今次就將Joey《Pretty Crazy》新歌改成《Pretty Hungry》，淨係睇海報，一時間又真係會認唔出邊個打邊個～
軒仔這次化身「長毛火龍果」原來是為好友Joey宣傳演唱會，更創意無限笑稱：「話說 #英皇娛樂 隔離公司 #冤枉娛樂 有個唔知淫男人定男人定女人，話自己 #唔夠crazy淨係hungry , 騎騎呢呢喺度假扮祖兒，企圖欺騙祖兒粉絲，大家一定小心上當受騙！」
仲搞笑hashtag：「#各位觀眾 #千呼萬喚?出來 #冤枉娛樂年度亞熱帶混血新人 #榴槤混紅毛丹 #未出道即引退歌手 #火龍果 #首支跳唱mv #敬請提防假冒 #一見就散」
Joey一見到軒仔扮自己到相當出神入化，都表示：「好想打死佢」再喺自己IG repost，向各位歌迷喊話：「幫我報警 青山走犯呀 #俾我靜一靜都唔得㗎呢隻長毛火龍果」
就連好友阿SA都忍唔著跳出來關心慰問軒仔：「救命！今日係咪冇食藥呀？」
網民都忍唔著齊齊留言笑稱：「撑你！雖然我會肉赤！」、「師姐，畀條生路樂壇新人行下啦」、「我幫你套佢麻包袋」、「你又多個樂壇競爭者啦」、「千其唔好忍，一於手劈火龍果」、「以後食火龍果有心理陰影」、「打呀 趁佢未出道就打死佢先呀 佢一啲都唔環保周身係膠」
今次軒仔扮「火龍果」，仲將兩個火龍果置於胸前，做成胸罩嘅樣，相當前衛！軒仔就形容「火龍果」就好似佢咁易入口：「一切開火龍果你會見到入面有一點點，就好似我咁有內涵」
而軒仔這身造型是以一個環保的循環再用膠袋碎打造而成！
耳環也是一大亮點之一，因為是平日打邊爐會用到的「篩」
不過軒仔叫大家睇MV前提醒大家片中會再次展現出他茂盛的腳毛，所以睇完感不適要多多包涵！
不過初初出道嘅「火龍果」似乎受不到傳媒嘅壓力，已經諗定準備要退休，軒仔今早仲幽默表示：「今朝一早，阿 #年度亞熱帶混血新人 #火龍果 打俾我，話佢啱啱加入娛樂圈就壓力爆煲 #要開始安排退休嘅事宜 #啲傳媒同公眾嘅壓力令佢緊張到有 #神經病 #佢依家覺得自己 #prettycrazy #佢話喎 你哋一個二個話佢惡搞，佢話佢喱啲係致敬吖 #佢話囉 ? #唉我咩都唔知吖我你哋自己睇下喇唉」
大家來看看軒仔的惡搞版吧！絕對令你笑到翻肚！
Text: GirlStyle editorial
Photo Source: Instagram, YouTube
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
